Женската репрезентација на Шпанија го освои златото на Медитеранското првенство за кадетки што се играше во Црна Гора, по триумфот над домаќинот со 19-14.
Во конкуренција на 13 национални тимови, Шпанките најпрво во прелиминарната група ги победија Грција, Кипар, Србија и Словенија, но загубија од Романија.
И покрај тоа го освоија првото место во својата група и се пласираа во финалето каде се соочија со домаќинот Црна Гора.
Во првиот од трите периоди во финалниот натпревар (ова првенство се игра 3×15), беше реми, 6-6, потоа во вториот Шпанија беше подобра со 5-4, а последниот го доби со 8-4.
Романките беа бронзени во Црна Гора откако во мечот за третото место ја победија Словачка со 20-19.
