РК Металург 2

РК Металург, од Скопје, е македонски ракометен клуб кој се натпреварува во македонската Суперлига.
Формиран е во 1971 година под патронат на Скопската Железарница. Во 1974 година е формирана јуниорската екипа на Металург, под водство на Пустина Крешимир. Идните дваесетина години, оваа екипа ќе го сочинува јадрото на тимот. Токму Металург 2 е наследник на успешната приказна на јуниорската екипа и претставува расадник за млади таленти.

Првото европско деби на Металург е во 1993 година кога настапи во Купот на градовите на ЕХФ, а противник беше белгискиот Херстел. Денес, Металург е препознатлив македонски бренд. Шест пати е шампион на Македонија и е шесткратен освојувач на Купот на Македонија. Редовно учествува во европските натпреварувања.
Од сезоната 2019/2020 екипата на Металург 2 ја води Игор Котевски.