РК ЕУРОФАРМ РАБОТНИК/РК ЕУРОФАРМ ПЕЛИСТЕР

Формиран е на 9 март 2011 година во Битола и неколку сезони се натпреваруваше во Првата машка ракометна лига како и во кадетска и пионерска конкуренција под капата на ракометната федерација на Македонија.

Од сезоната 2016/17 оваа екипа за првпат почна да се натпреварува во Супер лигата. Сезоната 2019/2020 Еурофарм Работник беше претставник на Македонија во Лигата на шампиони и СЕХА регионалното натпреварување. Во двете лиги битолскиот претставник настапи како дебитант.
На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.
Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.
Сезоната 2021/2022 Еурофарм Пелистер се искачи на највисокото скалило во македонската лига и ја претставува Македонија во Лигата на шампионите.

Тренерското место го предводи Александар Јовиќ и тим менаџерот Звонко Шундовски.