Екипата на Самадреџа, која е предводена од Горан Андоновски, а во која настапува и екс ракометарката на Вардар, Бојана Радевска, запиша нова победа во косовскиот шампионат.
Во натпревар од 16. коло, тимот на Самадреџа триумфираше во градското дерби против Вуштрија со 25:24 и со новата победа се зацврсти на третата позиција на табелата со 20 бода.
Бојана Радевска беше меѓу најдобрите на теренот и со пет постигнати погодоци имаше голем удел во обезбедената победа над градскиот ривал.
Самадреџа пред неколку дена обезбеди пласман на Ф4 турнирот од Купот на Косово, а со одличните резултати во последниот период, клубот е многу блиску до тоа повторно да се натпреварува на европска сцена.
Андоновски и неговите избранички во последните две кола од регуларниот дел за ривали ќе ги имаат екипите на Шќипоња и Беса.
