Селекторот на машката репрезентација на Хрватска, Дагур Сигурдсон, го објави списокот на ракометари пред стартот на квалификациите за ЕП 2028.

Тој смета на 19 ракометари за двете средби со Литванија и Финска, а меѓу нив се наоѓа и еден од македонското првенство.

Станува збор за левиот бек на Вардар, Леон Љевар, кој ова лето го засили македонскиот првак.

Покрај Љевар, на списокот се проверени имиња како Циндриќ, Срна, Лучин, Мартиновиќ, Кузмановиќ…а недостига само Лука Ловре Кларица од Келце кој е повреден.

Хрватска ги стартува квалификациите за ЕП 2028 на 4 ноември во Сплит против Литванија, додека на 8 ноември е пресметката на гости кај Финска.

Во квалификациската група е уште Холандија, против која Хрватите ќе играат двомеч во март догодина.

Вардар губи со 16-13 на гостувањето кај Висла Плоцк по првото полувреме од натпреварот во Лигата на шампионите. Домаќините во еден момент имаа осум гола предност, но македонскиот тим успеа да се врати во игра пред паузата.

Висла го постигна првиот гол, а Вардар по почетните израмнувања поведе со 3-2. Следуваше период во кој резултатот остана тесен. Во 11. минута беше 5-5, но токму тогаш полскиот тим ја направи првата голема серија – пет гола во низа за водство од 10-5.

Вардар ја прекина серијата, но не успеа веднаш да го запре налетот на домаќините. Висла стигна до 14-6 во 21. минута, што беше нејзината највисока предност во првото полувреме. „Црвено-црните“ намалија на 14-8, а по водството на домаќините од 15-8 ја одиграа својата најдобра резултатска делница.

Вардар постигна три гола во низа за 15-11. Висла возврати со гол за 16-11, но последните два погодоци во полувремето беа на гостите. Така, од негатива од седум гола во 25. минута, Вардар на пауза замина со достижни 16-13.

▶▶▶ Приклучи се на VIBER – https://abit.ly/viber-24rakomet
Добивај директно РАКОМЕТНИ ВЕСТИ на твојот мобилен телефон 📲.
Со еден клик до сите вести. 🤾

Некогашниот ракометар на Вардар, Еурофарм Пелистер и Охрид, Ловро Јотиќ, ќе има нов предизвик во кариера.

Хрватскиот среден бек се враќа на терените по тешката повреда на стартот на минатата сезона и ќе заигра за романскиот тим Стеауа Букурешт.

Низ кариерата Јотиќ, покрај во македонските клубови, играше и за Загреб, Нексе, Алборг, Лајпциг…

Стеауа Букурешт има лош старт на сезоната со четири порази на четири меча, па со Јотиќ се надеваат дека опстанокот во елитната романска конкуренција нема да биде доведена во прашање.

Европската ракометна федерација ги делегираше официјалните лица за натпреварите од второто коло од ЕХФ Европскиот Куп.

Македонската двојка Методија и Михајло Илиевски добија делегирање и ќе ја делат правдата на натпревар во Полска.

Станува збор за првата пресметка меѓу полската Островија и турскиот состав Истанбул Генчлик што ќе се игра утре.

Мечот на кој делегат ќе биде Хашани од Косово, ќе стартува од 18:00 часот во „Арена Остров“ во Остров Виелкополски.

По поразот кај Охрид, „сино-белите“ од Автокоманда им се вратија на победите во Супер машката лига.

На домашен терен момците на Кирил Лазаров ја победи Струга со 33-21 откако и на паузата имаа плус осум, 16-8. Голманот на домашните, Иван Галевски беше меѓу најистакнатите поединци и успеа да запре дури 15 удари на стружани.

По 3-3 на стартот, домашните предводени од Галевски, направија серија од шест гола за 9-3 и го решија прашањето околу победникот.

Второто полувреме беше само формално одработување на задачата и успешно одработен последниот тест за тимот од Автокоманда пред европските обврски.

Најдобри стрелци во победничкиот состав беа Костески со шест, како и Тордарсон и Митев со по пет гола, додека кај тимот на Струга се истакнаа Шилегов со пет и Манасков со четири погодоци.