Тимот на Охрид ги пушти во продажба билетите за натпреварите од второто коло во ЕХФ Европскиот Куп против турскиот Спор Тото.

Двата натпревари ќе се одиграат во СРЦ „Билјанини извори“ на 23 и 24 октомври, со почеток од 18:30 часот.

Билетите за натпреварите ќе може да се набават исклучиво на билетарата при СРЦ „Билјанини извори“ по популарни цени.

Билет за еден натпревар ќе чини 200 денари, а блок билет за двата натпревари 300 денари, а тие ќе се продаваат на билетарницата на салата.

Продажбата започна од вчерашниот ден, а ќе се одвива секој ден од 15:00 до 18:00 часот.

Некогашниот ракометар на Вардар, Еурофарм Пелистер и Охрид, Ловро Јотиќ, ќе има нов предизвик во кариера.

Хрватскиот среден бек се враќа на терените по тешката повреда на стартот на минатата сезона и ќе заигра за романскиот тим Стеауа Букурешт.

Низ кариерата Јотиќ, покрај во македонските клубови, играше и за Загреб, Нексе, Алборг, Лајпциг…

Стеауа Букурешт има лош старт на сезоната со четири порази на четири меча, па со Јотиќ се надеваат дека опстанокот во елитната романска конкуренција нема да биде доведена во прашање.

Ракометарите на Бутел Скопје денеска го играат првиот натпревар од второто коло во ЕХФ Европскиот Куп против хрватската Горица.

Стратегот Стојанче Стоилов ги избра 16 ракометари што ќе настапат против хрватската екипа, а надвор од комбинација останаа голманот Трсунов, крилата Аврамовски и Симоновски, бековите Аксентиев, Ѓорѓески и Симовски, но и повредениот Спасовски…

Тренерот на Горица, Матеј Мишковиќ, ќе смета на тројцата голмани – Сориќ, Матошевиќ и Турчиќ, а ќе изостанат левите Бакула, Барешиќ, Баришиќ и Ковачевиќ, но и најдобриот ракометар клубот – левото крило Давор Чавар, кој долги години го носеше дресот на Загреб.

Натпреварот меѓу Горица и Бутел Скопје се игра од 18:00 часот во градската сала во Велика Горица.

Од вчера до понеделник ќе се комплетира 7 коло од елитната конкуренција кај мажите во Македонија, а РФМ ги делегираше официјалните лица.

Се очекува да биде интересно во Куманово, каде ќе гостува Младост Богданци, а таму правда ќе делат Димитар Митревски и Благојче Тодоровски.

Возбудувања треба да им и на двобојот во Битола, каде Еурофарм Пелистер 2 ќе го пречека составот на Тиквеш.

Таму за арбитражата ќе бидат задолжени браќата Георгиевски, а браќата Ќаеви ќе ја судат средбата во Прилеп, каде гостува вицепрвакот Еурофарм Пелистер.

Лејла Јашар и Викторија Прентоска ќе го судат мечот во Автокоманда каде гостува Охрид, а младите Драган Начевски и Бобан Стојановски се делегирани за средбата меѓу Вардар и Бутел Скопје.

Супер лига, 7 коло:

Алкалоид – Струга 33-22
17/10, 16:30 часот, Куманово – Младост (Митревски/Тодоровски)
17/10, 18:30 часот, Прилеп – Еурофарм Пелистер (Ќаев/Ќаев)
18/10, 16:00 часот, Мулти Есенс – Oхрид (Јашар/Прентоска)
19/10, 12:00 часот, Вардар – Бутел Скопје (Начевски/Стојановски)
19/10, 18:00 часот, Еурофарм Пелистер 2 – Тиквеш (Георгиевски/Георгиевски)