📷 СТРУГА 2024: Ако по утрото денот се познава – пелистерци ќе жнеат трофеи сезонава!

Македонскиот шампион Еурофарм Пелистер славеше против Вардар со 29-26 во големото финале на Струшкиот турнир и го освои 14 трофеј покрај езерото. Сега пелистерци се израмнија со вардарци на вечната листа на освојувачи. Целиот натпревар беше неизвесен и беше решен во последните минути. Вардарци беа во поголем дел од мечот во негатива, во финишот се вратија со реми, но промашуваа кога најмалку требаше, а битолчани знаеја како да го казнат тоа и да го освојат трофејот.