Ракометната федерација на Македонија донесе одлука за последниот меч одигран меѓу Скопје и Гевгелија во рамките на Купот на Македонија. Дисциплинската комисија на македонската куќа на ракометот ги исфрли двете екипи од системот на натпреварување, дознава 24Ракомет.

Казна има и за одговорните лица во двата клуба. За ваквата одлука се известени и клубовите, а покрај исфрлувањето на сениорските екипи, сите останати селекции на Скопје и Гевгелија, ќе бидат исклучени од младинските конкуренции за сезоната 2024/25.

Веројатно утре РФМ ќе ја потврди одлуката и ќе објави детали за членовите според кои е донесена ваквата одлука. Дисциплинците на РФМ реагираа веднаш по скандалозниот натпревар одигран во саботата во Купот на Македонија, кој Гевгелија го доби против Скопје со 17-16, а ракометарките си постигнуваа автоголови, со цел да не победат.

Тоа значи дека во плеј-аутот на Женската лига, каде што требаше да играат Скопје и Гевгелија ќе останат само седум екипи, кои од декември ќе го стартуваат ова натпреварување, а двете екипи нема да го одиграат ниту последното коло од регуларниот дел.

Селекцијата на Литванија по високиот пораз од Словенија со 36-25 во првото коло од квалификациите за ЕП 2026 година, ја чека Македонија во втората рунда.

Капитенот на балтичката репрезентација, Гердас Бабарскас, вели дека со поддршката од публиката можат да ја остварат целта.

„Секој натпревар е многу важен. Ние ќе се бориме за бодови на секој натпревар. Сега ќе играме дома со Македонците и ова е голема предност за нас. Со поддршка од нашите гледачи, со тој ентузијазам и со енергијата на тимот, можеме да постигнеме големи цели“, вели Бабарскас.

Литванците досега имаат играно на ЕП 1998 и ЕП 2022, па посакуваат по четири години пауза одново да се најдат на континенталниот собир.

Ракометарките на Куманово ја минаа првата пречка во Купот на Македонија, откако славеа на гости кај Астибо во Штип со 29-16.

По 4-3, следуваше серија од 11 голови на избраничките на Славиша Димитријески за 15-3 и беше јасно како ќе изгледа овој натпревар.

На паузата беше 18-5, а во вториот дел штипјанки беа подобри, но тоа не беше доволно за нешто повеќе од помал пораз.

Најдобри стрелци кај Куманово беа Петреска со седум и Јовановска со шест гола, а исто толку постигна Анчева за Астибо.

Металург Автокоманда ќе има шанса да се бори за Ф4 во Купот на Македонија, откако дома славеше против Стружанка со 39-17.

Победникот беше решен по првиот дел кога домаќинките водеа со 23-7, а вториот дел беше само формалност.

Најдобри стрелци кај победникот беа Ѓошевска, Беровиќ и Маринчов со по шест гола, а Раткушиноска постигна седум за Стружанка.

Куп на Македонија, жени, групна фаза:

група А
Спартак – Шампион
Металург Автокоманда – Стружанка 39-17
Спартак – Металург Автокоманда

група Б
Астибо – Куманово 16-29
Чаир – Ѓорче Петров 2
Чаир – Куманово

група В
Скопје – Гевгелија 16-17
Ѓорче Петров – Деспина
Ѓорче Петров – Гевгелија

група Г
Вардар слоб.
Пелистер – Овче Поле СУ 33-13
Вардар – Пелистер

Гледајте ВО ЖИВО, Литванија – Македонија, ТУКА

Екипата на Вајперс Кристијансад, која пред извесен период беше пред згазнување поради финансиски проблеми, запиша трета победа во Лигата на шампионите.

Норвешкиот шампион славеше во натпреварот против Лудвигзбург со седум гола разлика, 30:23, а најзаслужна за победа на домашниот тим беше легендарната Катрин Лунде, која имаше 15 интервенции.

Вајперс Кристијансад со новите два бода се зацврсти на 5. позиција во групата Б, во која се наоѓа и романскиот Рапид Букурешт, тим во кој што настапува репрезентативката на Македонија, Сара Ристовска.

Богатиот проект од Романија никако не може да заигра според посакуваното во европската елита и во 7. коло беше поразен на гостувањето кај Ѓер, загуби убедливо со 11 гола разлика, 31:20.

Рапид Букурешт во досегашниот тек од европската елита на седум натпревари успеа да триумфира само еднаш, против Будуќност, а има и реми со Вајперс Кристијансад, останатото е порази.

На победа во 7. коло се радуваа уште Мец, Ференцварош, Глорија Бистрица, Подравка, Оденсе и Есбјерг.

Лига на шампиони, 7. коло, резултати:

Група А
Крим – Мец 25-34
ЧСМ Букурешт – Ференцварош 26-28
Бистрица – Никобинг 37-29
Сторхамар – Подравка 23-25

Група Б
Оденсе – Брест Бретањ 36-33
Вајперс – Лудвигзбург 30-23
Ѓер – Рапид Букурешт 31-20
Будуќност – Есбјерг 23:27