Иако Еурофарм Пелистер беше поразен од Барселона со 30-34 во натпревар од петтото коло на Лигата на шампионите, тимот од Битола има причина за гордост во индивидуалните настапи.
Двајцата македонски репрезентативци, Никола Митревски и Дејан Манасков, беа дел од најубавите моменти во ова коло на елитното натпреварување.
Во финишот на натпреварот во Битола, Митревски со долго додавање ја започна акцијата што заврши со спектакуларен цепелин и прецизен погодок на Манасков — гол што ЕХФ го прогласи за најатрактивен во петтото коло.
Дополнително, Никола Митревски се најде и на листата со најдобри одбрани на колото, благодарение на интервенцијата во 48. минута кога му одбрани зицер на Баруфет од крилна позиција.
Во изборот покрај Митревски се најдоа и Биоска (Нант), Хернандез (Магдебург), Али (Спортинг) и Тулин (ПИК Сегед).
🧤 𝙏𝙊𝙋 5 𝙎𝘼𝙑𝙀𝙎 – Round 5 🧱
1️⃣ Nacho Biosca – HBC Nantes
2️⃣ Sergey Hernandez – SC Magdeburg
3️⃣ Nikola Mitrevski – HC Eurofarm Pelister
4️⃣ Mohamed Aly – Sporting Clube de Portugal
5️⃣ Tobias Thulin – OTP Bank-PICK Szeged#ehfcl #CLM #handball pic.twitter.com/KCPOzzhlJh— EHF Champions League (@ehfcl) October 17, 2025
