Десното крило Немања Живковиќ по една сезона замина од грчкиот првак АЕК Атина и ќе има нов предизвик во кариерата. Српскиот интернационалец потпиша за словачкиот шампион Повашка Бистрица.
Легендарната шпанска ракометарка Нереа Пења по две сезони заминува од норвешкиот и европски првак Вајперс Кристијансанд. Таа имаше многу проблеми со повреди и не успеа да ги покаже своите квалитети во Норвешка.
Грчкиот голман Панос Папантонополус по две сезони во шпанскиот Адемар Леон се врати во татковината. Тој потпиша договор со вицепрвакот Олимпијакос и ќе биде замена за австрискиот ветеран Томас Бауер.
Шпанскиот Ла Риоха се засили со левиот бек Тијаго Алвеш во пресрет на новата сезона. Бразилскиот репрезентативец досега настапуваше во францускиот шампионат, во тимот на Кретеј.
29-годишната украинска репрезентативка Ирина Стелмах иако потпиша за Корона Брашов ова лето, сепак објави дека ќе паузира од ракометот на неодредено време и договорот со романскиот тим не е валиден.
