Стружани ги покажаа новите ракометни таленти (ФОТОГАЛЕРИЈА)

Домаќинот на турнирот „Струга 2023“ го освои шестото место на 51. издание на меѓународниот турнир, но истовремено ги покажаа младите ракометари кои сезонава ќе добијат шанса да играат и за сениорскиот тим. Струга беше поразена од Динамо Панчево со 26-31 иако во текот на мечот и двете екипи имаа свои „пет минути“. Водеше Струга со 20-18, а потоа неискуството го направи своето, па серијата грешки што ги направија им овозможи на гостите да израмнат а потоа да поведат со 26-22. Тоа беше период во кој се реши победникот.