Машката репрезентација на Македонија со вчерашната победа кај Финска со 22-27 го потврди местото на ЕП, па на последниот натпревар против Швајцарија би можела да настапи со изменет ростер. Неизвесен е настапот на Дејан Манасков.
Тој незгодно доскокнал при еден удар, денеска ќе оди на прегледи, иако според првите прогнози не се работи за нешто сериозно. На негово место вчера во текот на првото полувреме влезе Бојан Маџовски, кој играше до крајот на мечот.
Сепак веројатно нема да се ризикува со левото крило на дуелот со Швајцарија кој нема никакви значење за нас, па Манасков би можел да го прескокне.
Денеска на тренинзите ќе се приклучат и Емилијан Ѓорговски, Михаил Аларов, Цветан Кузманоски, Павле Атанасијевиќ и Дејан Кукуловски, па селекторот Лазаров ќе има поголем избор за натпреварот во недела што се игра од 18:00 часот.
