Изберете ги најдобрите ракометари во машката Суперлига. Можете да гласате за најдобрите седум ракометари по позиции, како и за најдобар млад ракометар, одбранбен играч и тренер. Победниците ќе бидат прогласени и наградени на свечена манифестација кон крајот на мај. Во изборот се вклучени читателите, редакцијата 24Ракомет и новинари од повеќе различни македонски медиуми.
Традиционално на крајот на ракометната сезона во Суперлигата, 24Ракомет го избира идеалниот тим на сезоната. Сезонава изборот ќе кулминира заедно со одигрување на последното коло кога ќе бидат прогласени и најдобрите ракометари на секоја позиција во македонското ракометно првенство за сезоната 2022/2023.
Како единствен специјализиран спортски портал во Македонија посветен на ракометот во соработка со нашите пријатели од Mozzart кои се нашиот официјален партнер на изборот за сезонава ќе ги наградиме најдобрите ракометари во македонскиот ракометен шампионат.
Покрај публиката, во гласањето традиционално се вклучени и новинарите кои следат ракомет од сите медиумски формати во Македонија, заедно со редакцијата на 24Ракомет.
Единствениот специјализиран спортски портал посветен на ракометот, 24Ракомет ви овозможи и вие, нашите читатели, да бидете дел од изборот и да гласате за најдобрите ракометари во сезоната.
ГЛАСАЊЕТО ЌЕ БИДЕ ОТВОРЕНО ДО 12 ЧАСОТ ВО САБОТА, 28 МАЈ 2023
Номинирани се по тројца играчи на секоја позиција од кои ќе биде избран најдобриот.
Читателите ќе гласаат за еден од тројцата понудени кандидати. При крајното гласање предвид ќе се земат сите добиени гласови. На крајот резултатите ќе се сумираат по принципот 3,2,1, а потоа вкупниот број на гласови по категории се претвора во поени – 3 (најдобар), 2 (второпласиран), 1 (третопласиран).
Истото ќе биде и при гласањето на новинарите и на редакцијата 24Ракомет. Се гласа за трите понудени ракометари по приципот 3, 2, 1. На крај се направи вкупен збир од трите сегменти (публика/новинари/24Ракомет, при што се добива севкупниот победник за секоја позиција).
Лево крило на сезоната:
Дарко Кондев (Тиквеш) – Иако не играше во дел од сезоната поради повреда, сепак покажа дека со него кавадаречкиот тим е незгоден ривал и за најквалитетните екипи во Македонија.
Мирко Мајиќ (Бутел Скопје) – Црногорскиот интернационалец е еден од најконстантните играчи во мак-ракометот. Скоро на секој натпревар на Бутел е најдобар стрелец на тимот.
Дејан Манасков (Вардар) – Левото крило на „црвено-црните“ по камбекот во Македонија од Веспрем покажа дека се уште е меѓу најдобрите ракометари на неговата позиција и одигра на високо ниво целата сезона.
Гласајте на линкот во продолжение…
АНКЕТА: ГЛАСАЈТЕ ЗА ИДЕАЛЕН ТИМ ВО СУПЕРЛИГА – СЕЗОНА 2022/2023
ПОВРЗАНИ ВЕСТИ
