Доминантен Алкалоид за сигурна домашна победа (ФОТОГАЛЕРИЈА)
Ако стружани се понадеваа дека во „Борис Трајковски“ може да му парираат на Алкалоид, целата стратегија им падна во вода после првите 20 минути. Младите и полетни домаќини, брзо ги решија дилемите, ги користеа сите шанси, иако повремено паѓаа во темпото. Разликата на крајот можеше да биде и повисока, но и помала. Овие седум гола разлика, 36-29 се само одраз на моментаната игра. Самиот факт што Струга постигнаа толку голови укажува на добра ефикасност и добра игра во напад. „Сините“ веќе се етаблираат во тим што сигурно ќе разигрува за титулата, а Струга досега во првенството покажа сила со која сигурно ќе се бори за место во плејофот.
