Се комплетираа четвртфиналните парови во Дивизијата Исток на регионалната СЕХА лига што се игра на терените во Русија и Белорусија, па познати се екипите што ќе се борат за трофејот.

Две руски екипи – Зенит и Виктор Ставропол, како и две белоруски екипи – Мешков Брест и СКА Минск ќе играат на завршниот турнир.

Тој е закажан за 13 и 14 јуни во салата „Викторија“ во Брест, каде што и во минатото се одржувале завршни турнири во оваа конкуренција.

Во првото полуфинале ќе се соочат екипите на Мешков Брест и СКА Минск, додека во втората полуфинална битка ќе играат Зенит и Виктор.

Видеолотарија Касинос Австрија им исплати фантастични 55.290.290 денари на играчите на ВЛТ терминалите ширум Македонија во периодот од 01.03.2026 до 31.03.2026.

Овие бројки се убав доказ за илјадници нови среќни приказни. Во март имавме:

• 4 СУПЕР МИЛИОНЕР џекпот добитници → исплатени вкупно 25.068.342 денари
• 16 МИЛИОНЕР џекпот добитници → исплатени вкупно 23.212.191 денари
• МИНИ џекпот добитници → играчите заедно поделија 7.009.757 денари

Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди. Во изминатите 11 години, на среќните играчи низ Македонија им се исплатени преку три милијарди денари – доказ за транспарентност, стабилност и лидерска позиција во областа на електронските игри на среќа.

Само за потсетување, минатата 2025 година ќе се памети како година на рекорди, еуфорија и многу среќни ВЛТ добитници! Видеолотарија Касинос Австрија во текот на годината им исплати на играчите на ВЛТ импресивни 814.512.912 денари, односно повеќе од 13 милиони евра за ПРЕМИУМ, РОЈАЛ, СУПЕР МИЛИОНЕР, МИЛИОНЕР и МИНИ џекпот!

Четири германски екипи и по една од Македонија, Франција, Португалија и Хрватска ќе играат во четвртфиналето на Лигата на Европа.

Сите бундеслигаши што се дел оваа сезона од второто по ранг европско клупско натпреварување, обезбедија место во ТОП 8, а најмалку една германска екипа ќе има на Ф4 бидејќи ќе се соочат Фленсбург и Хановер меѓусебе.

Вардар оди на мегдан на Монпелје, додека Кил ќе биде голем фаворит против хрватскиот вицепрвак Нексе.

Се очекуваат возбудувања на двобојот меѓу Порто и Мелсунген, но тимот на Роберто Парондо ќе ја има фаворитската улога.

Првите натпревари од оваа фаза се играат на 28 април, додека реваншите се на 5 мај. Победниците од четвртфиналето ќе се пласираат на Ф4 што е закажан за 30 и 31 мај во Хамбург.

Лига на Европа, четвртфинале:

Монпелје – Вардар
Нексе – Кил
Мелсунген – Порто
Фленсбург – Хановер

Мелсунген во четвртфинале на ЛЕ откако ја „збриша“ Фредериција

Елверум го победи Монпелје и покажа како треба Вардар да игра против нив

По поразот на Еурофарм Пелистер на домашен терен од екипата на Охрид, 27-26, јасно е дека повеќе од сигурно дека титулата по три сезони пауза ќе се врати во Скопје. Само чудо, и тоа огромно, треба да се случи за да не се валоризира сегашната предност на „црвено-црните“ во плеј-офот.

По четири одиграни кола во плеј-офот, Вардар има 50 бодови, додека Охрид е втор со 42, а исто толку има актуелниот првак Еурофарм Пелистер на третото место. Се играат вкупно десет кола.

Вардарци утре ги чека средба со Бутел Скопје од петтото коло, на која се големи фаворити, а по Ф4 во Купот на Македонија, кој е закажан за следниот викенд, ќе го одиграат дуелот со тимот на Лазаров на 25 април.

Победа на тој натпревар и математички ќе им ја донесе титулата на „црвено-црните“ на четири кола до крајот на плеј-офот, па ќе можат без притисок да се подготвуваат за двомечот од четвртфиналето на Лигата на Европа со францускиот Монпелје.

Три сезони по ред шампион на Македонија е Еурофарм Пелистер, но оваа сезона е јасно дека Вардар нема да пропушти прилика да се врати на тронот.

Во финишот на сезоната Охрид ќе биде уште посилен – доаѓа некогашниот среден бек на Вардар, Косуке Јасухира!

Според информациите на 24Ракомет, јапонскиот интернационалец се враќа во македонското првенство и ќе им помогне на „гладијаторите“ во походот кон најдобриот клупски резултат во историјата.

Во финишот на сезоната охриѓани ќе имаат напоред распоред, особено до средината на мај, кога ќе се игра среда-сабота со натпреварите од суперлигашкиот плеј-оф, Купот на Македонија и ЕХФ Европскиот Куп.

Ракометната приказна на Јасухира почнува во Нипон Универзитет, а пошироката јавност го забележа на кадетскиот Мундијал во 2019 година во дресот на Јапонија, па се пресели во Европа.

Најпрво беше дел од францускиот Ним, па од Висла Плоцк во сезоната 2022/23, пред да биде позајмен во Вардар за сезоната 2023/24. Веднаш ги освои симпатиите на навивачите на скопскиот клуб, беше МВП на Струшкиот турнир и имаше значајна улога во освојувањето на Супер Купот.

Остана само една сезона во Вардар, кратко играше за Ал Кадсија од Кувајт, а досега беше дел од Бурган, каде што настапуваше заедно со Стипе Мандалиниќ.

Охриѓани со евентуалниот ангажман на Јасухира ќе добијат одлично решение на позицијата каде товарот го изнесува само Тилен Стрмљан, по повредата на Ловро Јотиќ.