Денеска со натпреварот меѓу Вардар и третопласираниот тим од минатата сезона ќе биде комплетирано 12. коло во суперлигашката конкуренција.
На првиот натпревар, кој беше одигран во Автокоманда, составот предводен од Кире Лазаров триумфираше со три гола разлика, 33:30.
Вардарци со евентуална победа ќе дојдат до 22 бода на свое конто и ќе се израмнат на табелата со „сино-белите“.
Тренерите Гиљермо Милано и Кирил Лазаров ги одредија составите за денешното суперлигашко дерби.
Тимот на Вардар ќе настапи без Милан Лазаревски, Ансер Родригез, Михел Пино, Младен Крсманчиќ, Кристијан Стаменковиќ, Марко Богдановски и Нилтон Мело.
Кај Алкалоид недостасуваат повредените Дамјан Митев и Никола Костески, а во состав не се Благојче Трајкоски и Костадин Петров.
Вардар: Марио Стојановски, Томислав Јагуриновски, Михаил Аларов, Томче Стојановски, Гоце Георгиевски, Марио Танкоски, Ларс Коиј, Дмитриј Горига, Марко Срдановиќ, Матија Николиќ, Стефан Петриќ, Ален Ќосевски, Вуко Борозан, Васил Гогов, Мигел Еспиња и Ашраф Маргели.
Алкалоид: Марко Кизиќ, Иван Џонов, Никола Маркоски, Михајло Младеновиќ, Мартин Серафимов, Валентин Карасманакис, Марко Стојковиќ, Марко Митев, Игор Ѓорѓиев, Иван Галевски, Мартин Велковски, Кристијан Симоноски, Арно Бинго, Александар Петковски, Давид Савревски и Франциско Оливеира да Силва.
Натпреварот меѓу Вардар и третопласираниот тим од минатата сезона ќе се одигра со почеток од 19:00 часот во СЦ „Јане Сандански“.
ПОВРЗАНИ ВЕСТИ
