Фленсбург го засили тренерскиот тим со данска ракометна легенда

Екипата на Фленсбург во екот на сезоната го засилува својот тренерски тим со многу познато ракометно име. Во иднина на Мајк Макула освен помошникот Марк Булт ќе му помага и двократниот европски шампион со репрезентацијата на Данска, Ларс Кристијансен.

Данецот е легенда на бундеслигашот, тој помина 14 години во Фленсбург и за тој период одигра 626 натпревари и постигна 3996 гола. Дресот со број 15 е засекогаш доделен на Кристијансен и е повлечен од користење на екипата.

Кристијансен во Фленсбург пристигнува како замена за Глен Солберг кој реши да преземе нов предизвик и во иднина ќе ја предводи репреентацијата на Шведска. Играчката кариера 47 годишниот Данец ја заврши пред седум години во екипата на Колдинг.