Тимот на Амичитија Цирих, каде што настапува македонскиот репрезентативец Мартин Поповски, стигна до првиот бод во новата сезона.
По поразот кај Кадетен на гости, и минималниот дома од Фади Винтертур, Цирих беше на тешко гостување кај ривалот на Металург во Лигата на Европа – Криенс Луцерн, и успеа да освои бод, 29-29.
И на полувремето беше нерешено, 13-13, а Поповски и соиграчите постојано бркаа домашна предност од еден или два гола разлика.
Десното крило беше стрелец на четири погодоци од пет обиди, а три од нив беа од седум метри. Покрај тоа Поповски заработи и две казни од по две минути.
На претходниот дуел со Винтертур, кој Цирих го загуби дома со 26-27, македонскиот репрезентативец беше најдобар стрелец со седум погодоци.
ПОВРЗАНИ ВЕСТИ
