Георгиевски брилјира во Романија

Тимот на ЧСМ Букурешт, каде што настапува македонскиот репрезентативец Гоце Георгиевски, забележа победа во романскиот шампионат.

ЧСМ на домашен терен славеше против Дунареа Калараши со минимални 27-26 во натпревар од 9. коло, а голем дел од заслугите за триумфот има Георгиевски.

Тој постигна девет погодоци од десет шута, а ист таков учинок имаше и на претходниот натпревар против Темишвар.

ЧСМ Букурешт по девет кола има три победи, четири порази и две нерешени средби, што е доволно само за 9 место на табелата.