Јагањац ќе брка стотка в недела

Левиот бек на Металург, Халил Јагањац постигна само три гола на гостувањето на Татран, а со тоа застана на 95 гола во СЕХА-лигата со кои е најефикасниот играч во оваа сезона.

Тој не успеа да дојде до уште пет гола со кои ќе стигнешт до бројка од 100 погодоци, па затоа ќе може тоа да го стори в недела кога во Скопје се игра дуелот против Целје од последното коло во регионалното натпреварување.

Според формата која ја демонстрира целата сезона Јагањац не би требало да има проблеми за да го направи ова и да стигне до троцифрен број на голови, но ќе мора да почека за да може да го потврди првото место на Листата на стрелците во СЕХА за оваа сезона.