Со сите сили: ЗА МАКЕДОНИЈА!

Пред денешниот натпревар против селекцијата на Црна Гора, Ракометната Федерација на Македонија објави соопштение со кое ги кани сите вљубеници на ракометот да им дадат поддршка на ракометарите за нова победа. Средбата се игра од 20:30 часот.

300x250

„И покрај енормно тешкиот меч одигран на стартот на 13-то Европско ракометно првенство во Загрепската арена – тензичноста, критички интонираните обвинувања насочени кон арбитерите, неизвесноста која траеше до последните секунди од натпреварот – Македонија доби мошне важен меч против мундијалски „бронзената“ селекција на Словенија.

БРАВО за нашите момци кои херојски се бореа за секој топка и за секој постигнат гол. Големо БРАВО за извонредниот стратег Гонзалез и стручниот штаб и уште едно огромно БРАВО за брилијантната поддршка од трибините!

Нашите сениорски репрезентативци денес се соочуваат со нов предизвик: уште еден тежок натпревар против уште еден силен ривал – селекцијата на Црна Гора. После овој сериозен тест, следи можеби најтешкиот натпревар во групната фаза – со континентално „златната“ селекција на Германија.

Остануваме максимално посветени и фокусирани на играта! Веруваме во тимот и квалитетот а на крилјата на илјадници наши фанови и огромната поддршка од целокупната јавност спортски, фер, достоинствено и гордо ќе ги браниме боите на националниот дрес!

Со сите сили: ЗА МАКЕДОНИЈА!

Спортски поздрав,
Ракометна Федерација на Македонија“.