Раул доби засилување во „пензионерот“ од Шведска

На крајот од минатата сезона левиот бек од Шведска одлучи да стави крај на кариерата и да се одмори од петте напорни сезони минати во шампионот на Германија. Ким Екдал ду Риц одлучи во февруари да се врати во тимот на Рајн Некар за да помогне, а сега веќе има договор со екипата на ПСЖ каде што ќе биде засилување за екипата која следната година ќе биде предводена од страна на Раул Гонзалес.

300x250

После Хенрик Тофт Хансен и Виран Морос, тој ќе биде третиот ракометар што доаѓа како засилување за ПСЖ за следната сезона, самиот вели дека е задоволен од трансферот.

„Се приклучувам на еден од најдобрите клубови во светот. Има голем број на талентирани играчи и имам желба да освојам сè. Тоа ќе биде нова авантура за мене. Рајн Некар е еден од најдобрите клубови, но ПСЖ е еден од топ 4 во моментов во Европа“, изјави Ду Риц кој во сезоната 2011/2012 ги бранеше боите на тимот на Нант.

Ова значи дека „пензионерот“ кој се врати да му помогне на Рајн Некар одлучи да се врати целосно на ракометот и во новата сезона ќе биде еден од играчите од кои ќе се очекува да донесат квалитет плус во ПСЖ.