Од Македонија во Романија: Илина потпиша за Дунареа Браила

Белоруската репрезентативка Дијана Илина, од следната сезона ќе го носи дресот на романскиот тим Дунареа Браила. Таа поради малата минутажа реши да си замине од европскиот вицепрвак Вардар и среќата да ја побара на друго место.

Илина помина една сезона во „црвено-црниот“ тим, но немаше голема шанса да ги покаже своите квалитети, а најчесто не беше ниту во составот. Интересно, таа постигна само 3 голови во ЛШ, а единствениот гол против Турингер, влезе во ТОП 5 голови на ЕХФ.

За 21-годишната ракометарка, која дебитираше за сениорската репрезентација на Белорусија на 17 години, ова ќе биде трето интернационално искуство, по настапите во Русија за Астраханочка и во Македонија за Вардар.