Нема крај на проблемите: Келце нема да добие пари од градот

Проблемите на Келце продолжуваат и покрај тоа што првиот човек на клубот, Бертус Сервас изјави дека сè ќе биде добро и нема да има проблеми за тимот да се натпреварува во новата сезона според планот.

300x250

Парите кои се бараа од градот не се добиени бидејќи во касата нема доволно средства за да му се дадат пари на клубот и тој да може да живее на нивото на кое има планирано Сервас, па ова носи нови денови на неизвесност во таборот на освојувачот на Лигата на шампионите од 2016 година.

„Во 2016 година, претседалоте на Келце првпат аплицираше за поддршка од два милиони злоти велејќи дека се работи за исклучителна ситуација. Година подоцна вторпат беа обарани 2 милиони злоти. Сега имаме предвидено 2,5 милиони злоти, а во февруари клубот побара да ги повлече парите веднаш. Требаше сè да биде добро. Сепак, сега добивме апликација за 4,5 милиони злоти (околу 1 милион евра) што е навистина премногу и во моментов немаме толку пари. Во моментов можеме да зборуваме за неколку стотици илјади злоти“, изјави на прес-конференција, градоначалникот на Келце, Војчих Лубавски.

Ваквите вести секако се и најава за проблеми после кои клубот може да остане и без дел од ракометарите со цел да се намали буџетот. Доколку Сервас не успее да најде доволно средства за нормално функционирање тогаш во новата сезона може да се види далеку поинаков тим од сите планови, а ова може да значи и пропаѓање на трансфери кои се предвидени за следната сезона.