Македонецот блеска во Израел: Димитриевски го запре Макаби Тел Авив

Тимот на Хапоел Ашдод доби големо засилување во Дарко Димитриевски, кој по само три меча покажа дека ќе биде лидер на теренот. Неговиот тим од позиција во плеј-аут, сега стигна да има скоро обезбеден пласман во разигрувањето за титулата.

Во последниот натпревар Хапоел Ашдод на домашен терен успеа да извлече големо реми со фаворизираниот Макаби Тел Авив и одигра 24:24. Македонскиот интернационалец беше најдобар во домашниот тим и постигна 7 голови од 8 обиди.