Луксембург им се виде како Австралија: Вујо и Железничар заглавија во Франкфурт (ФОТО)

Екипата на Железничар утре во 18 часот треба да го одигра реванш натпреварот од ЕХФ купот против Керjенг од Луксембург. На патот кон Луксембург попатна станица е Франкфурт каде требаше да има префрлање во друг авион.

Сепак, чекајќи го авионот во Франкфурт се случи една необична и малку комична ситуација за момците на Вујо откако на пренесувањето на тимот од еден авион во друг настанал проблем. Сега поголем дел од тимот е „заглавен“ на аеродромот во Франкфурт и се бара начин како да стигнат навреме на местото на одигрување на средбата.

Железничар има предност од 30:27 од првиот натпревар, а ова не е резултат кој дава можност за опуштање. Мора да се влезе сериозно во средбата, но мора и навреме да се одмори за натреварот.

Во тимот на Керјенг игра и поранешниот репрезентативец на Македонија, Владимир Темелков, кој беше меѓу подобрите на првиот натпревар одигран во Ниш минатиот викенд.

ФОТО: Фејсбук